ئیمام ناصر محمد يه‌مانی
10 - 06 - 1428 ك
25 - 06 - 2007 مـ
12:36 به‌یانی

[ لمتابعة رابط المشاركـة الأصليّة للبيان ]
http://www.mahdi-alumma.com/showthread.php?t=1262
ــــــــــــــــــ


مه‌هدی چاوه‌روانكراو نهێنی پیته‌كان له‌قورئانی گه‌وره‌ بۆ موسڵمانان روونده‌كاته‌وه‌ ..


بسم الله الرحمن الرحيم
له‌ مه‌هدی چاوه‌روانكراو ئیمامی دوانزه‌یه‌م له‌ ئالی به‌یتی پاك و دواهه‌مین خه‌لیفه‌كانی خودا ئیمام ناصر محمد یه‌مانی بۆ هه‌موو موسڵمانه‌ ئیمانداره‌كان به‌م قورئانه‌ گه‌وره‌یه‌، السلام عليكم ورحمة الله وبركاته، السلام علينا وعلى جميع عباد الله الصالحين في الأولين وفي الآخرين، والصلاة والسلام على جميع الأنبياء والمُرسلين من أوّلهم إلى مسك ختامهم النبيّ الأُمّي رسول الله إلى الناس أجمعين محمد رسول الله صلى الله عليه وآله وسلم، والسلام على من اتّبع الهادي إلى الصراط المُستقيم، ثم أمّا بعد..

ئه‌ی گه‌لی زانایانی ئومه‌ت، به‌راستی خودا قورئانی گه‌وره‌ی كردووه‌ به‌ حوججه ‌و به‌ڵگه‌ی من به‌سه‌رتانه‌وه‌ له‌ به‌ڵگه‌ی ئیمامه‌ت و پێشه‌وایه‌تی یان حوججه ‌و به‌ڵگه‌ به‌سه‌رمه‌وه‌ گه‌ر هاتوو نه‌متوانی له‌قورئاندا به‌ڵگه‌ی ده‌سه‌ڵاتی زانستان پێشكه‌ش بكه‌م بۆ ئه‌و گه‌له‌ی كه‌وا ده‌زانن و تێده‌گه‌ن، وه‌ هه‌رگیزیش نه‌ گاڵته‌چی و گاڵته‌جاڕه‌كان نه‌ خۆبه‌گه‌وره‌زانه‌كانیش له‌ حه‌قیقه‌تی به‌یانه‌كان تێناگه‌ن؛ به‌ڵكو ئه‌وانه‌ی كه‌وا به‌عه‌قڵ و مه‌نتق به‌ ته‌ر‌كیزێكی ته‌واو به‌ بیرو به‌رچاوروونی به‌به‌ڵگه‌وه‌‌ له‌ به‌یانه‌كان وورده‌بنه‌وه، جا دواتر ئه‌وانه‌ درك به‌وه‌ ده‌كه‌ن كه‌ ئایا یه‌مانی به‌ حه‌ق قسه‌ده‌كات یاخود له‌و كه‌سانه‌یه‌ كه‌وا‌ گاڵته‌ده‌كات یا له‌وانه‌ی كه‌وا قسه‌ ده‌كه‌ن به‌ناوی خواوه‌ به‌ گومانه‌وه‌ له‌كاتێكیشدا دڵنیا نین و زانیاری ته‌واویان نی یه‌، له‌ كاتێكیشدا ‌گومانیش هیچ راستیه‌ك به‌ده‌سته‌وه‌ نادات. جا من به‌ ته‌ئویل و لێكدانه‌وه‌یه‌ك له‌ ئیجتیهادی خۆمه‌وه‌ قسه‌تان بۆ ناكه‌م و پاشان بڵێم والله‌ اعلم خوداش ده‌زانێت به‌و مانایه‌ی ئه‌م قسه‌یه‌ ئه‌گه‌ری راست و هه‌ڵه‌ هه‌ڵبگرێت، وه ‌نه‌ به‌ قیاسیش به‌ڵكو له‌خودو دڵی بابه‌ته‌كه‌دا، جا‌ ئێوه‌ له‌قورئاندا به‌ بیست و پێنج پێغه‌مبه‌رو نێردراو ده‌زانن، مه‌هدی چاوه‌روانكراویش به‌ بیست و هه‌شت پێغه‌مبه‌رو نێردراو ده‌زانێت. له‌وه‌یه‌ یه‌كێكتان بیه‌وێت بمپچرێنێت و بڵێت: "له‌ كوێ ئه‌و سێ پێغه‌مبه‌ره‌ت بۆ هێناین له‌كاتێكدا ئێمه‌ ده‌زانین ئه‌وان ته‌نها بیست و پێنج پێغه‌مبه‌رو نێردراون؟‌". جا یه‌كسه‌ر وه‌ڵامی ده‌ده‌مه‌وه‌ به‌وه‌ی ئه‌م سێ پێغه‌مبه‌ره‌ بریتین له‌وانه‌ی كه‌ له‌ چیرۆك و به‌سه‌رهاته‌ نه‌زانراوه‌كه‌ی قورئانی گه‌وره‌دان ئه‌وانه‌ی كه‌وا خودا ناردنی بۆ یه‌كێك له‌ ئاوه‌دانیه‌كان جا خودا چیرۆك و به‌سه‌رهاته‌كه‌یانی ناروون كردووه‌و له‌ خودی چیرۆك و به‌سه‌رهاته‌كه‌دا بۆی روون نه‌كردوونه‌ته‌وه‌ به‌وه‌ی ناوی ئه‌م پێغه‌مبه‌رانه‌ی خه‌ڵكی ئاوه‌دانی یه‌كه‌ چی بوو وه‌ گه‌ل و قه‌ومه‌كه‌یان كێ بوون؛ به‌ڵكو خودا چیرۆك و به‌سه‌رهاته‌كه‌یان نه‌زانراو كردووه‌ وه‌كو ده‌زانن. خوای گه‌وره‌ش ده‌فه‌رموێت:‌ {إِذْ أَرْ‌سَلْنَا إِلَيْهِمُ اثْنَيْنِ فَكَذَّبُوهُمَا فَعَزَّزْنَا بِثَالِثٍ فَقَالُوا إِنَّا إِلَيْكُم مُّرْ‌سَلُونَ ﴿١٤﴾} صدق الله العظيم [يس].
واته‌/ كاتێك دووانمان بۆ ڕه‌وانه کردن که‌چی بروایان پێنه‌کردن ئێمه‌ش به‌ سێهه‌میان پشتگیرو به‌ عززه‌تمان جا هه‌موویان وتیان ئێمه بێگومان بۆ لای ئێوه له‌لایه‌ن په‌روه‌ردگاره‌وه ڕه‌وانه کراوین.

جا به‌راستی پێشتر له‌ وتارێكدا ئه‌مه‌مان بۆ روونكردنه‌وه‌ به‌وه‌ی ئه‌وان بریتین له‌خودی خاوه‌نی ئه‌و چیرۆك و به‌سه‌رهاته‌ نه‌زانراوه‌ی سوره‌تی كه‌هف، جا ئه‌م وتاره‌ی پێشترتان به‌یاد ده‌هێنمه‌وه‌و پاشانیش باس و خواسه‌كه‌تان به‌تێروته‌سه‌لی به‌ زانستی زیاتره‌وه‌ بۆ باس ده‌كه‌ین.
___________


بسم الله الرحمن الرحيم، السلام عليكم ورحمة الله وبركاته، السلام علينا وعلى جميع المُسلمين في العالمين والصلاة والسلام على جميع أنبياء الله ورُسله إلى العالمين من أولهم إلى خاتم مسكهم محمد رسول الله صلى الله عليه وآله وسلم، ثمّ أمّا بعد..

سوێند به‌خوا نامه‌وێت گومراو سه‌رلێشێوواو بن جا به‌دوام كه‌ون به‌ بێ زانست و رێنمایی و كتێبێكی روون و ئاشكراوه‌، جا له‌ نێوانی من و ئێوه‌و هه‌موو خه‌ڵكیشدا قورئانی گه‌وره‌ هه‌یه‌، جا هه‌ر كه‌سێك كه‌وا خودا پشتگیری كرد به‌ ده‌سه‌ڵاته‌كه‌ی ئه‌وا ئه‌و زاڵه‌ به‌ هه‌ق له‌و بریارو بابه‌تانه‌ی كه‌وا له‌حیوارو گفتوگۆكاندا ده‌ستان پێ كردووه‌، جا هه‌رچی هاوه‌ڵانی ئه‌شكه‌وتن ئه‌وا ژماره‌یان سێ كه‌سه‌و چواره‌میان سه‌گه‌كه‌یانه‌. وه‌ ئه‌ی گه‌لی موسڵمانان ئایا ئه‌و چیرۆك و به‌سه‌رهاته‌تان نه‌بینیوه‌ له‌قورئاندا كه‌وا خودا خاوه‌نی ئه‌م چیرۆك و به‌سه‌رهاته‌ی به‌ نادیاری هێشتۆته‌وه‌ له‌گه‌ڵ ئه‌وه‌شی كه‌وا قورئان گه‌ر هاتوو به‌سه‌رهات و چیرۆكێكی گێرایه‌وه‌ ئه‌وا به‌ تێرو ته‌سه‌ل و ته‌واوی ده‌یگێرێته‌وه‌ جا له‌ پاش ئه‌وه‌ ناوی نێردراوه‌ پێغه‌مبه‌ره‌كه‌ باس ده‌كات بۆ ئاوه‌دانی یه‌كه‌یان به‌ڵام له‌قورئاندا چیرۆك و به‌سه‌رهاتێك بۆ ئاوه‌دانیه‌ك ده‌بینین كه‌وا ‌شوێن و ناوه‌كه‌ی نه‌زانراوه‌ وه‌ قه‌وم و گه‌له‌ نیشته‌جێكه‌شی به‌ نه‌زانراوی ده‌بینن؛ به‌ڵكو ده‌ڵێت خه‌ڵكی ئاوه‌دانیه‌كه‌ كاتێك كه‌وا پێغه‌مبه‌ره‌كانیان بۆ هات سه‌ره‌تا خودا دوو پێغه‌مبه‌ری بۆ ناردن جا به‌درۆیان خستنه‌وه‌ ئینجا دواتر به‌ پێغه‌مبه‌ری سێ یه‌م به‌ عززه‌تی كردن، خوای گه‌وره‌ش فه‌رموویه‌تی: {وَاضْرِ‌بْ لَهُم مَّثَلًا أَصْحَابَ الْقَرْ‌يَةِ إِذْ جَاءَهَا الْمُرْ‌سَلُونَ ﴿١٣﴾ إِذْ أَرْ‌سَلْنَا إِلَيْهِمُ اثْنَيْنِ فَكَذَّبُوهُمَا فَعَزَّزْنَا بِثَالِثٍ فَقَالُوا إِنَّا إِلَيْكُم مُّرْ‌سَلُونَ ﴿١٤﴾ قَالُوا مَا أَنتُمْ إِلَّا بَشَرٌ‌ مِّثْلُنَا وَمَا أَنزَلَ الرَّ‌حْمَـٰنُ مِن شَيْءٍ إِنْ أَنتُمْ إِلَّا تَكْذِبُونَ ﴿١٥﴾ قَالُوا رَ‌بُّنَا يَعْلَمُ إِنَّا إِلَيْكُمْ لَمُرْ‌سَلُونَ ﴿١٦﴾ وَمَا عَلَيْنَا إِلَّا الْبَلَاغُ الْمُبِينُ ﴿١٧﴾ قَالُوا إِنَّا تَطَيَّرْ‌نَا بِكُمْ لَئِن لَّمْ تَنتَهُوا لَنَرْ‌جُمَنَّكُمْ وَلَيَمَسَّنَّكُم مِّنَّا عَذَابٌ أَلِيمٌ ﴿١٨﴾ قَالُوا طَائِرُ‌كُم مَّعَكُمْ أَئِن ذُكِّرْ‌تُم بَلْ أَنتُمْ قَوْمٌ مُّسْرِ‌فُونَ ﴿١٩﴾} صدق الله العظيم [يس].
واته‌/ نموونه‌یان بۆ بهێنه‌ره‌وه به خه‌ڵكی ئاوه‌دانی یه‌ك کاتێک ده‌سته‌یه‌ک پێغه‌مبه‌ریان بۆ هات (١٣) كاتێك دووانمان بۆ ڕه‌وانه کردن که‌چی بروایان پێنه‌کردن ئێمه‌ش به‌ سێهه‌میان پشتگیرو به‌ عززه‌تمان جا هه‌موویان وتیان ئێمه بێگومان بۆ لای ئێوه له‌لایه‌ن په‌روه‌ردگاره‌وه ڕه‌وانه کراوین (١٤) خه‌‌ڵکه‌که وتیان ئێوه ته‌نها ئاده‌میزادێکن وه‌کو ئێمه‌ خوای میهره‌بانیش هیچ شتێکی ڕه‌وانه نه‌کردووه‌ ئێوه هه‌ر درۆ ده‌که‌ن (١٥) پێغه‌مبه‌ره‌کان وتیان په‌روه‌ردگارمان خۆی چاک ده‌زانێت ئێمه به‌ڕاستی بۆ لای ئێوه ڕه‌وانه کراوین (16) ته‌نها ئه‌وه‌شمان له‌سه‌ره که به ڕوون و ئاشکرا په‌یمانی خواتان پێ ڕابگه‌یه‌نین (١٧) خه‌ڵکه‌که وتیان ئێمه به ڕاستی به‌هاتنتان تووشی نه‌گبه‌تی و له‌ناوچوون بووینه‌ته‌وه‌ سوێند بێت ئه‌گه‌ر واز نه‌هێنن و کۆڵ نه‌ده‌ن به‌رد بارانتان ده‌که‌ین و له لایه‌ن ئێمه‌وه توشی ئازارێکی به ئێش ده‌بن (١٨) پێغه‌مبه‌ره‌کان وتیان ئێوه ئه‌و كه‌سانه‌ی ده‌تانمرێنن له‌گه‌ڵ خۆتاندان جا ئه‌گه‌ر ئامۆژگاری و یاده‌وه‌ری بکرێن ئه‌وه ده‌بێته نه‌گبه‌تی و له‌ناوچوون بۆتان؟ به‌ڵكو ئێوه هه‌ر خۆتان قه‌وم و هۆزێکی سه‌ره‌ڕۆن بۆیه نه‌گبه‌تی و له‌ ناوچوون یه‌خه‌ی گرتوون (١٩).

جا لێره‌دا ئه‌وه‌ی له‌قورئان وورد ده‌بێته‌وه‌ ده‌سپێده‌كات و ده‌ڵێت له‌به‌رچی خودا ئه‌م چیرۆك و به‌سه‌رهاته‌ی ناروون كردووه‌‌ سه‌باره‌ت به‌ خه‌ڵكی ئه‌م ئاوه‌دانی یه‌؟ جا ئایا قه‌وم وگه‌له‌كه‌یان كێ بوون؟ وه‌ ناوی ئه‌م نێردراوانه‌ش چی بوون كه‌وا خودا بۆی ناردن؟ جا هه‌ر ده‌بێت له‌م چیرۆك و به‌سه‌رهاته‌دا نهێنیه‌كی نا ئاسایی هه‌بێت له‌ نهێنیه‌كانی قورئانی گه‌وره‌دا كه‌وا هێشتا به‌ ‌ناروونی بۆ زانایانی دین و موسڵمانان ماوه‌ته‌وه‌، وه‌ ئێوه‌ش ده‌زانن به‌وه‌ی له‌وێدا چیرۆكو به‌سه‌رهاتی هاوه‌ڵانی ئه‌شكه‌وت هه‌یه‌ كه‌وا ناروونه‌ جا هه‌ر ده‌بێت كه‌وا په‌یوه‌ندی هه‌بێت به‌ خه‌ڵكی ئه‌و ئاوه‌دانی یه‌ی كه‌وا خوداگێراویه‌ته‌وه‌ له‌قورئاندا به‌بێ ئه‌وه‌ی باسی گه‌ل و قه‌ومی خه‌ڵكی ئه‌م ئاوه‌دانی یه‌ بكات نه ‌باسی ناوی ئه‌م سێ پێغه‌مبه‌ره‌ش كه‌وا خودا بۆی ناردن، جا ئه‌م ناروونی یه‌ له‌به‌ر چی یه‌ له‌گه‌ڵ ئه‌وه‌شی كه‌وا ئه‌مه‌ چیرۆك و به‌سه‌رهاتێكه‌ چیرۆك و به‌سه‌رهاته‌كانیش روون و ئاشكران له‌قورئاندا وه‌كو چاكترینی چیرۆك و به‌سه‌رهاته‌كان كه‌بریتی یه‌ له‌ چیرۆك و به‌سه‌رهاته‌كه‌ی یوسف كه‌وا له‌ سه‌ره‌تاوه‌ تا كۆتایی گێراویه‌تیه‌وه‌، به‌هه‌مان شێوه‌‌ هه‌موو ئه‌و گێرانه‌وانه‌ی قورئان ته‌نها هی ئه‌م ئاوه‌دانی یه‌ نه‌بێت كه‌وا خودا سه‌ره‌تا دوو پێغه‌مبه‌ری بۆ ره‌وانه‌كردن جا به‌درۆیان خستنه‌وه‌ جا ئه‌وه‌ بوو به‌ پێغه‌مبه‌ری سێ یه‌م به‌ عززه‌تی كردن.‌‌‌

جا له‌پاش ئه‌وه‌ هه‌ڵده‌ستن به‌ به‌راوردكردن سه‌ره‌تا له‌ جۆری به‌ڵێنی ته‌هدیدو هه‌ره‌شه‌كه‌ لێیان كه‌وا خه‌لكی ئه‌م ئاوه‌دانی یه‌ پێغه‌مبه‌ره‌كانیان پێ ترساند به‌وه‌ی كه‌ ئه‌گه‌ر بێتو كۆتایی به‌بانگه‌وازه‌كه‌یان نه‌هێنن و نه‌گه‌رێنه‌وه‌ بۆ سه‌ر ئایینه‌كه‌یان ئه‌وه‌ دواتر به‌ردبارانیان ده‌كه‌ن و له‌لایه‌ن ئێمه‌وه‌ توشی سزایه‌كی گه‌وره‌ ده‌بنه‌وه‌ یاخود ئه‌وه‌تا ده‌گه‌رێنه‌وه‌ بۆ ئایینه‌كه‌یان به‌وه‌ی واز له‌بانگه‌وازه‌كه‌یان بێنن: {قَالُوا إِنَّا تَطَيَّرْ‌نَا بِكُمْ لَئِن لَّمْ تَنتَهُوا لَنَرْ‌جُمَنَّكُمْ وَلَيَمَسَّنَّكُم مِّنَّا عَذَابٌ أَلِيمٌ ﴿١٨﴾ قَالُوا طَائِرُ‌كُم مَّعَكُمْ أَئِن ذُكِّرْ‌تُم بَلْ أَنتُمْ قَوْمٌ مُّسْرِ‌فُونَ ﴿١٩﴾} صدق الله العظيم.
واته‌/ خه‌ڵکه‌که وتیان ئێمه به ڕاستی به‌هاتنتان تووشی نه‌گبه‌تی و له‌ناوچوون بووینه‌ته‌وه‌ سوێند بێت ئه‌گه‌ر واز نه‌هێنن و کۆڵ نه‌ده‌ن به‌رد بارانتان ده‌که‌ین و له لایه‌ن ئێمه‌وه توشی ئازارێکی به ئێش ده‌بن (١٨) پێغه‌مبه‌ره‌کان وتیان ئێوه ئه‌و كه‌سانه‌ی ده‌تانمرێنن له‌گه‌ڵ خۆتاندان جا ئه‌گه‌ر ئامۆژگاری و یاده‌وه‌ری بکرێن ئه‌وه ده‌بێته نه‌گبه‌تی و له‌ناوچوون بۆتان؟ به‌ڵكو ئێوه هه‌ر خۆتان قه‌وم و هۆزێکی سه‌ره‌ڕۆن بۆیه نه‌گبه‌تی و له‌ ناوچوون یه‌خه‌ی گرتوون (١٩).

جا له‌پاش ئه‌وه‌ ده‌رۆن بۆ چیرۆك و به‌سه‌رهاته‌كه‌ی هاوه‌ڵانی ئه‌شكه‌وت ده‌بینن به‌وه‌ی به‌هه‌مان ئه‌م هه‌ره‌شه‌و به‌ڵێنه‌ قسه‌یان له‌گه‌ڵدا ده‌كه‌ن: {إِنَّهُمْ إِن يَظْهَرُوا عَلَيْكُمْ يَرْجُمُوكُمْ أَوْ يُعِيدُوكُمْ فِي مِلَّتِهِمْ وَلَن تُفْلِحُوا إِذًا أَبَدًا} [الكهف:20].
واته‌/ (له‌دوای ئه‌وه‌ی له‌خه‌وی یه‌كه‌میان به‌خه‌به‌ر هاتن له‌ ئه‌شكه‌وته‌كه‌دا پێغه‌مبه‌ری خوا ئیلیاس به‌ دوو براكه‌ی ده‌وت ئاگاداری خۆیان بن كاتێك ده‌رۆن خواردن ده‌كرن)؛ چونکه به‌ڕاستی ئه‌وان ئه‌گه‌ر پێتان بزانن ئه‌وه به‌ردبارانتان ده‌که‌ن یان ده‌تانگێڕنه‌وه بۆ ناو ئایینی خۆیان ئه‌و کاته ئیتر هه‌رگیز سه‌رفراز نابن.

وه‌ له‌دوای ئه‌وه‌ش هه‌ڵده‌ستن به‌ به‌راوورد كردن له‌ نێوان ژماره‌ی پێغه‌مبه‌رو نێردراوه‌كان بۆ ئه‌م ئاوه‌دانی یه‌ كه‌وا خودا ‌روون و ئاشكراو دیارو راشكاوی كردووه‌، خوای گه‌وره‌ فه‌رموویه‌تی: {إِذْ أَرْسَلْنَا إِلَيْهِمُ اثْنَيْنِ فَكَذَّبُوهُمَا فَعَزَّزْنَا بِثَالِثٍ} [يس:14].
واته‌/ كاتێك دووانمان بۆ ڕه‌وانه کردن که‌چی بروایان پێنه‌کردن ئێمه‌ش به‌ سێهه‌میان پشتگیرو به‌ عززه‌تمان كردن.

وه‌ له‌پاش ئه‌وه‌ ده‌رۆن بۆ ژماره‌ی هاوه‌ڵانی ئه‌شكه‌وت كه‌وا خودا به‌هه‌مان شێوه‌ روون و ئاشكراو دیارو راشكاوی كردووه‌ بۆ ئه‌هلی بیرو ئه‌وانه‌ی وورد ده‌بنه‌وه‌ جا ده‌بینن به‌وه‌ی ئه‌وان سێ كه‌سن و چواره‌میان سه‌گه‌كه‌یانه‌. خوای گه‌وره‌ش فه‌رموویه‌تی:‌ {سَيَقُولُونَ ثَلَاثَةٌ رَّابِعُهُمْ كَلْبُهُمْ وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ وَيَقُولُونَ سَبْعَةٌ وَثَامِنُهُمْ كَلْبُهُمْ قُل رَّبِّي أَعْلَمُ بِعِدَّتِهِم مَّا يَعْلَمُهُمْ إِلَّا قَلِيلٌ} صدق الله العظيم [الكهف:22].
واته‌/ له ئایینده‌دا ده‌ڵێن ئه‌وان سیانن و چواره‌میان سه‌گه‌که‌یانه‌ وه‌ ده‌ڵێن پێنجن و شه‌شه‌میان سه‌گه‌که‌یانه‌ به‌ بێ به‌ڵگه‌ وتفه‌نگ نان به‌ تاریكه‌ شه‌وه‌وه‌ وه‌ده‌ڵێن حه‌وتن و هه‌شته‌میان سه‌گه‌که‌یانه‌ بڵێ په‌روه‌ردگارم خۆی ده‌زانێت ژماره‌یان چه‌نده‌ پێی نه‌وتوون ته‌نها كه‌مه‌كه‌یان نه‌بێت.

جا هه‌رچی قسه‌ هه‌ق و راسته‌كه‌یه‌ بریتی یه‌ له‌ قسه‌كه‌ی یه‌كه‌م كه‌وا له‌ئایینده‌دا یه‌مانی چاوه‌روانكراوو به‌سه‌رخه‌ره‌كانی وتوویانه‌ له‌وه‌ی په‌روه‌ردگاره‌كه‌ی فێری كردووه‌ وه‌ ئه‌و قسه‌یه‌شی به‌ گومان و به‌ بێ زانیاری به‌تفه‌نگ نان به‌تاریكه‌ شه‌وه‌وه‌ نه‌كردووه‌.. له‌به‌رئه‌وه‌شه‌ كه‌وا خودای گه‌وره‌ فه‌رموویه‌تی: {سَيَقُولُونَ ثَلَاثَةٌ رَّابِعُهُمْ كَلْبُهُمْ} {له ئایینده‌دا ده‌ڵێن ئه‌وان سیانن و چواره‌میان سه‌گه‌که‌یانه‌}، وه‌ خوداش ئه‌م قسه‌یه‌‌ی به‌ گومان و تفه‌نگ نان به‌تاریكه‌ شه‌وه‌وه‌ وه‌سف نه‌كردووه‌؛ به‌ڵكو ئه‌و قسانه‌ی كه‌وا وتراون له‌ پێنجه‌كه‌وه‌‌ تا ئه‌وه‌ی ده‌ڵێت حه‌وتن و هه‌شته‌میان سه‌گه‌كه‌یانه‌ جا ئه‌م قسانه تفه‌نگ نانه‌ به‌تاریكه‌ شه‌وه‌وه‌ به‌بێ ده‌سه‌ڵاتی زانست و زانیاری؛ به‌ڵكو به‌گومانه‌وه‌ له‌كاتێكدا گومانیش هیچ راستیه‌ك به‌ده‌سته‌وه‌ نادات، هه‌ر له‌به‌رئه‌وه‌ش خوای گه‌وره‌ فه‌رموویه‌تی: {وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ}{وه‌ ده‌ڵێن پێنجن و شه‌شه‌میان سه‌گه‌که‌یانه‌ به‌ بێ به‌ڵگه‌ وتفه‌نگ نان به‌ تاریكه‌ شه‌وه‌وه}، جا ئه‌م قسانه‌ وتراون له‌به‌رئه‌وه‌ش خودا فه‌رمووه‌تی: {وَيَقُولُونَ}{وه‌ ده‌ڵێن} به‌و مانایه‌ی ئه‌وانه‌ وتراون، كه‌واته‌ به‌راستی ئه‌م قسانه‌ وتراون جا بوون به‌كارێكی رابردوو ئه‌ی ئه‌وانه‌ی خاوه‌نی زمانی عه‌ره‌بین، هه‌رچی قسه‌ حه‌قه‌كه‌یه‌ بریتی یه‌ له‌قسه‌كه‌ی یه‌كه‌م كه‌وا هیچ كه‌سێك نه‌یوتووه‌و هێشتا له‌زانستی غه‌یبیدایه‌ هه‌تا مه‌هدی چاوه‌روانكراوو یارویاوه‌ره‌كانی ده‌یڵێن له‌به‌رئه‌وه‌شه‌ كه‌وا خودا نه‌یفه‌رمووه‌: ده‌ڵێن سێ كه‌سن و چواره‌میان سه‌گه‌كه‌یانه‌؛ به‌ڵكو فه‌رموویه‌تی: {سَيَقُولُونَ}{له‌ ئایینده‌دا ده‌ڵێن} به‌و مانایه‌ی ئه‌م قسه‌یه‌‌ هێشتا نه‌وتراوه‌ هه‌ر له‌به‌رئه‌وه‌ش فه‌رموویه‌تی: {سَيَقُولُونَ}{له‌ ئایینده‌دا ده‌ڵێن} به‌و مانایه‌ی ئه‌م قسه‌یه‌ هێشتا له‌ زانستی غه‌یبی دایه‌ و هێشتا نه‌وتراوه‌، وه‌ها ئه‌وه‌ ئه‌م قسه‌ حه‌قه‌ هات و وترا، جا ئایا ئێوه‌ ئیمان دێنن؟

وه‌ ئه‌گه‌ر ووردبوونه‌وه‌ له‌وه‌ی خوای گه‌وره‌ ده‌فه‌رموێت: {مَّا يَعْلَمُهُمْ إِلَّا قَلِيلٌ} {پێی نه‌وتوون ته‌نها كه‌مه‌كه‌یان نه‌بێت} ئه‌مه‌ به‌و مانایه‌ی كه‌وا قسه‌ حه‌ق‌ و راسته‌كه‌ برێتی یه‌ له‌ كه‌مترین ژماره‌ واته‌؛ سێ كه‌سن و چواره‌میان سه‌گه‌كه‌یانه‌، وه‌ ناكرێت و ره‌وانی یه‌ كه‌وا ژماره‌كه‌ كه‌متربێت له‌وه‌ ئه‌مه‌ش چونكه‌ گه‌ر ئێوه‌ سه‌یری قسه‌ی قسه‌كاره‌كه‌ بكه‌ن له‌ هاوه‌ڵانی ئه‌شكه‌وت له‌وه‌ی كه‌ له‌نێوانی خۆیان قسه‌ ده‌كه‌ن ده‌بینن كه‌وا له‌گه‌ڵ یه‌ك كه‌س قسه‌ ناكات به‌ڵكو له‌گه‌ل دووكه‌س قسه‌ده‌كات، هه‌ر له‌به‌ر ئه‌وه‌ش بوو وتی: {فَابْعَثُوا أَحَدَكُم بِوَرِ‌قِكُمْ هَـٰذِهِ} [الكهف:19].
واته‌/ جا با یه‌کێکتان بنێرن ئه‌م پاره ببات.
جا ئایا بۆتان روون بوویه‌وه‌ كه‌وا به‌راستی من زاناترینی خه‌ڵكیم به‌ ژماره‌كه‌یان و موفتیم له‌ كاروباری ئه‌واندا؟ جا ئایا‌ به‌راستی داده‌نێن؟ به‌ڵام ئینسان له هه‌موو شتێك زیاتر موجاده‌له‌و ده‌مبازی‌ ده‌كات!

جا ئه‌وانه‌ش‌ بریتین له‌ هه‌مان ئه‌و سێ پێغه‌مبه‌ره‌ی كه‌وا ره‌وانه‌ كران بۆ ئاوه‌دانی یه‌ نه‌زانراوه‌كه‌‌ له‌ چیرۆك و به‌سه‌رهاته‌ نه‌زانراوه‌كه‌ی تر، جا یه‌كێك لێره‌دا ده‌مپچرێنێت و ده‌ڵێت: "ئه‌وان چه‌ند لاوێك بوون كه‌وا ئیمانیان به‌په‌روه‌ردگاره‌كه‌ یان هێنابوو باسی ئه‌وه‌ی نه‌كردووه‌ كه‌ پێغه‌مبه‌رو نێردراو بن". جا له‌ پاش ئه‌وه‌ پێی ده‌ڵێین:‌ نه‌ده‌كرا بۆ لاوه‌كان بانگه‌واز بكه‌ن بۆ حه‌ق تا به‌دوای پێغه‌مبه‌ره‌كه‌‌ نه‌كه‌ون كه‌‌ بریتی بوو له‌ پێغه‌مبه‌ره‌كه‌ی یه‌كه‌م جا دواتر برا لاوه‌كانیشی به‌راستیان دانان ئه‌وانه‌ی كه‌وا ئه‌ركی به‌خێوكردن و چاودێری كردنیانی له‌ ئه‌ستۆ گرتبوو له‌دوای مردنی باوكیان جا به‌ په‌روه‌رده‌یه‌كی چاك په‌روه‌رده‌ی كردن هه‌ر له‌به‌ر ئه‌وه‌ش پێی وتراوه‌ (ذا الكُفل) جا ئه‌مه‌ ناوه‌كه‌ی خۆی نی یه‌، وه‌ وێنه‌ی ئه‌و وه‌كو وێنه‌ی موساو هارونه‌ جگه‌ له‌وه‌ی هارون گه‌وره‌تر بوو له‌ موسا جا په‌یامه‌كه‌ بۆ سه‌ر موسا دابه‌زی و خودا له‌گه‌ڵ ئه‌و كردی به‌وه‌زیری جا هه‌ردووكیانی بۆ لای فیرعه‌ون ره‌وانه‌كرد، خودای گه‌وره‌ش فه‌رموویه‌تی: {فَأْتِيَاهُ فَقُولَا إِنَّا رَ‌سُولَا رَ‌بِّكَ} صدق الله العظيم [طه:47].
واته‌/ جا بچن بۆ لای و پێی بڵێن ئێمه هه‌ردووکمان له‌لایه‌ن په‌روه‌ردگاری تۆوه ڕه‌وانه کراوین.

هه‌رچی په‌یامه‌كه‌بوو‌ ئه‌وا به‌سه‌ر موسادا دابه‌زی عليه الصلاة والسلام، به‌هه‌مان شێوه‌ش لاوه‌كانیش په‌یامه‌كه‌ به‌سه‌ر برا گه‌وره‌كه‌یان دابه‌زی جا لاوه‌كان ئیمانیان به‌ كاروبارو بانگه‌وازه‌كه‌ی هێنا،‌ له‌پاش ئه‌وه‌ش خودا هیدایه‌ت و رێنموویی بۆ زیادكردن و كردنی به‌ پێغه‌مبه‌ر له‌گه‌ڵ براكه‌یان بۆ ئاوه‌دانیه‌كه‌، كه‌ ئه‌وانه‌ش بریتین له‌ هه‌مان ئه‌وانه‌ی پێیان ده‌ڵێن (الأسباط) كه‌وا نه‌ یه‌هودی بوون نه‌ نه‌صارا به‌ڵكو (أسباط ياسين) (نه‌وه‌كانی یاسین) ـن علیه‌ السلام، كه‌ بریتی بوون له‌ سێ پێغه‌مبه‌ر كه‌ یه‌كێكیان ئیلیاسی كوری یاسین بوو، وه‌ ره‌جای لێخۆشبوونیش له‌خوا ده‌كه‌م به‌وه‌ی له‌ وتاره‌كه‌ی پێشتردا قسه‌یه‌كی به‌ گومانم كرد ده‌رباره‌ی ناوی ئه‌و پێغه‌مبه‌ره‌ی كه‌وا هاوه‌ڵانی ئه‌شكه‌وت ئیمانیان پێهێنا جا وتم ئه‌و پێغه‌مبه‌ره‌ ئیدریسه‌ كه‌ ئه‌وه‌ش ناوه‌كه‌ی نه‌بوو به‌ڵكو ناوه‌كه‌ی ئیلیاسی كوری یاسینه‌ و ئیدریس و یه‌سه‌عیش برای بوون وه ‌هه‌مووشیان له‌ باوكێكن كه‌ پێی ده‌وترێت یاسین، جا ئه‌وه‌ مه‌كه‌نه‌ حوججه‌ له‌ سه‌ر ناصر یه‌مانی به‌وه‌ی چۆن ئه‌و له‌ وتاره‌كه‌ی پێشتردا ده‌ڵێت كه‌وا په‌یامه‌كه‌ به‌سه‌ر ئیدریسدا د‌ابه‌زی و ئێستاش ده‌ڵێت به‌ڵكو به‌سه‌ر ئیلیاسدا دابه‌زی جا یه‌كسه‌ر وه‌ڵامی ده‌ده‌مه‌وه‌و ده‌ڵێم: ئه‌مه‌ به‌هۆی په‌له‌كردنم بوو له‌ ته‌ئویل و لێكدانه‌وه‌ی ناو‌ی پێغه‌مبه‌ره‌كانی هاوه‌ڵانی ئه‌شكه‌وت جا به‌ گومانه‌وه‌ قسه‌كه‌م كرد وه‌ ئه‌مه‌ تاكه‌ قسه‌یه‌ كه‌وا به‌ گومانه‌وه‌ وتبێتم به‌بێ ئه‌وه‌ی بزانم كه‌ به‌دڵنیایی و زانستی یه‌قینه‌وه‌ وتوومه‌ به‌وه‌ی كه‌وا وتم به‌راستی ئیدریس په‌یامه‌كه‌ی به‌سه‌ردا دابه‌زی، جا له‌سه‌رم پێوسیت بوو كه‌وا چاوه‌روان بم بۆ وه‌حی تێگه‌یشتن (وحي التفهیم) له‌ په‌روه‌ردگارمه‌وه‌ تاكو زانسته‌كه‌م زیاتر بكات به‌به‌یانه‌كه‌‌ی به‌وه‌ی ناوی ئه‌و پێغه‌مبه‌ره‌ چی یه‌ كه‌وا په‌یامه‌كه‌ی پێگه‌یشت ئایا ئه‌وه‌ ئیدریس بوو یاخود ئیلیاس. خودای گه‌وره‌ش فه‌رموویه‌تی: {وَلَا تَعْجَلْ بِالْقُرْ‌آنِ مِن قَبْلِ أَن يُقْضَىٰ إِلَيْكَ وَحْيُهُ وَقُل رَّ‌بِّ زِدْنِي عِلْمًا ﴿١١٤﴾} صدق الله العظيم [طه].
واته‌/ وه‌ نه‌که‌یت له قورئاندا په‌له بکه‌یت له پێش ئه‌وه‌ی بریاری وه‌حیه‌كه‌ی ته‌واو ببێت بۆ لای تۆ نزاش بکه و بڵێ: په‌روه‌ردگارا به‌رده‌وام زانست و زانیاریم زیاد بكه‌‌.
ئه‌مه‌ش عیتاب نی یه‌ بۆ محمد پێغه‌مبه‌ری خوا -صلى الله عليه وآله وسلم- كه‌وا خودا قورئانی به‌سه‌ردا دابه‌زاند به‌ڵكو عیتابه‌ بۆ ئه‌و كه‌سه‌ی كه‌وا خودا به‌یانه‌كه‌ی پێداوه‌ كه‌ ناصر محمد یه‌مانی یه‌ جا به‌راستی من په‌له‌مكرد له‌ ته‌ئویل و لێكدانه‌وه‌ی ئه‌وه‌دا‌ به‌ر له‌وه‌ی په‌روه‌ردگارم فێرم بكات به‌ده‌سه‌ڵاتی زانست و به‌ڵگه‌وه‌ له‌قورئاندا، وه ‌هه‌رگیزیش له‌دوای ئه‌وه‌ بۆ هه‌میشه‌ قسه‌یه‌كی تر ناكه‌م به‌ گومانه‌وه، جا هه‌ڵه‌كه‌م گه‌وره‌ نه‌بووه‌ به‌ڵكو ئیدریسی لاوم كرد به‌ گه‌وره‌ترین برا له‌ ناو سێ براكه‌دا جا ئه‌و له‌هه‌موویان گه‌وره‌تر نه‌بوو به‌ڵكو گه‌وره‌ترینیان ئیلیاسی كوری یاسین بوو عليهما الصلاة والسلام، كه‌ ئه‌وكه‌سه‌ش بوو په‌یامه‌كه‌ی پێ گه‌یشت، هه‌رچی براكه‌یه‌تی واته‌ ئیدریس‌ ئه‌وه‌ نێردراوێكی راستگۆیه‌ چونكه‌ براكه‌ی ئیلیاسی به‌راستدانا به‌ په‌یامه‌كه‌، جا به‌راستی خودا زانسیه‌كه‌ی زیادكردم ده‌رباره‌ی ناوه‌كانی هاوه‌ڵانی ئه‌شكه‌وت وه‌ به‌وه‌ی كامه‌ پێغه‌مبه‌ریان بوو كه‌وا په‌یامه‌كه‌ی له‌ په‌روه‌ردگاریه‌وه‌ پێگه‌یشت، ئه‌مه‌ش له‌به‌ر ئه‌وه‌ی ناكرێت كه‌وا سێ كتێبیان بۆ بێت به‌ڵكو یه‌ك كتێبیان بۆ هات كه‌ بریتی بوو له‌و كتێبه‌ی به‌سه‌ر پێغه‌مبه‌ری خوا ئیلیاسدا دابه‌زی، وه ‌هه‌ر له‌به‌رئه‌وه‌ش خودای گه‌وره‌ فه‌رموویه‌تی: {وَإِنَّ إِلْيَاسَ لَمِنَ الْمُرْ‌سَلِينَ ﴿١٢٣﴾ إِذْ قَالَ لِقَوْمِهِ أَلَا تَتَّقُونَ ﴿١٢٤﴾ أَتَدْعُونَ بَعْلًا وَتَذَرُ‌ونَ أَحْسَنَ الْخَالِقِينَ ﴿١٢٥﴾ اللَّـهَ رَ‌بَّكُمْ وَرَ‌بَّ آبَائِكُمُ الْأَوَّلِينَ ﴿١٢٦﴾ فَكَذَّبُوهُ فَإِنَّهُمْ لَمُحْضَرُ‌ونَ ﴿١٢٧﴾ إِلَّا عِبَادَ اللَّـهِ الْمُخْلَصِينَ ﴿١٢٨﴾ وَتَرَ‌كْنَا عَلَيْهِ فِي الْآخِرِ‌ينَ ﴿١٢٩﴾ سَلَامٌ عَلَىٰ إِلْ يَاسِينَ ﴿١٣٠﴾ إِنَّا كَذَٰلِكَ نَجْزِي الْمُحْسِنِينَ ﴿١٣١﴾} صدق الله العظيم [الصافات].
واته‌/ بێگومان ئیلیاسیش له پێغه‌مبه‌ران و ڕه‌وانه کراوانه (١٢٣) كاتێك به قه‌وم و گه‌له‌که‌ی خۆی وت ئایا له‌خوا ناترسن؟ (١٢٤) ئایا ئێوه هاناو هاوارو نزا بۆ به‌عل ده‌به‌ن و واز له چاکترینی دروستکاره‌کان ده‌هێنن و پشتی لێده‌كه‌ن؟ (١٢٥) به‌لكو الله یه‌ په‌روه‌ردگارتان و په‌روه‌ردگاری باو و باپیرانی دێرینیشتانه (١٢٦) که‌چی ئه‌وان به‌درۆیان خسته‌وه‌ که‌وابوو بێگومان ئه‌وان ئاماده‌کراون بۆ سزا (١٢٧) جگه له به‌نده دڵسۆزه‌كانی خوا نه‌بێت (١٢٨) ئینجا ناوبانگی خێری ئیلیاسمان بۆ ئه‌وانی تر هێشته‌وه‌ (١٢٩) سه‌لام له‌سه‌ر إِلْ يَاسِين (١٣٠) ئێمه به‌ڕاستی به‌و شێوه‌یه پاداشتی چاکه‌کاران ده‌ده‌ینه‌وه‌ (١٣١).

جا ئه‌وانه‌ بریتی بوون له‌ هه‌رسێ پێغه‌مبه‌ر له‌ یه‌ك نه‌وه‌ واته‌ له‌‌ نه‌وه‌و كوره‌كانی یاسین (أسباط ياسين)، وه‌ خودا هه‌مووشیانی ره‌وانه‌كرد بۆ یه‌ك ئاوه‌دانی كه‌ بریتی بوو له‌ ئاوه‌دانی یه‌كه‌ی خۆیان وه‌ خوداش ته‌نها یه‌ك كتێبی پێدان كه‌ بریتی بوو له‌و كتێبه‌ی كه‌وا به‌سه‌ر پێغه‌مبه‌ری خوا ئیلیاسدا دابه‌زی، جا هه‌رسێ پێغه‌مبه‌ره‌كه‌ بۆ ئه‌وه‌ی له‌ كتێبه‌كه‌ی ئیلیاسدا هاتبوو بانگیان ده‌كرد. هه‌ر له‌به‌ر ئه‌وه‌ش خودای گه‌وره‌ فه‌رموویه‌تی: {قُولُوا آمَنَّا بِاللَّـهِ وَمَا أُنزِلَ إِلَيْنَا وَمَا أُنزِلَ إِلَىٰ إِبْرَ‌اهِيمَ وَإِسْمَاعِيلَ وَإِسْحَاقَ وَيَعْقُوبَ وَالْأَسْبَاطِ وَمَا أُوتِيَ مُوسَىٰ وَعِيسَىٰ وَمَا أُوتِيَ النَّبِيُّونَ مِن رَّ‌بِّهِمْ لَا نُفَرِّ‌قُ بَيْنَ أَحَدٍ مِّنْهُمْ وَنَحْنُ لَهُ مُسْلِمُونَ ﴿١٣٦﴾} صدق الله العظيم [البقرة].
واته‌/ بڵێن ئێمه باوه‌ڕمان به خوا هێناوه‌و به‌وه‌ش كه دابه‌زیوه بۆمان و به‌وه‌ش كه دابه‌زیوه بۆ ئیبراهیم و ئیسماعیل و ئیسحاق و یه‌عقوب و (الْأَسْبَاطِ-نه‌وه‌كانی یاسین) هه‌روه‌ها به‌وه‌ی كه بۆ موساو عیسا هاتووه و به‌وه‌ی كه بۆ پێغه‌مبه‌ران ڕه‌وانه كراوه له لایه‌ن په‌روه‌ردگاریانه‌وه‌و ئێمه جیاوازی ناكه‌ین له نێوان هیچ كام له‌و پێغه‌مبه‌رانه‌دا ئێمه هه‌موومان ته‌سلیمی خوا ده‌بین.

جا ئه‌وانه‌ بریتی بوون له‌ نه‌وه‌كانی یاسین (أسباط ياسين) نه‌وه‌ك نه‌وه‌كانی یه‌عقوب (أسباط يعقوب) جا له‌ نه‌وه‌كانی یه‌عقوبدا ته‌نها یوسف پێغه‌مبه‌ر هه‌بوو، به‌ڵام خودا فه‌رموویه‌تی (الأسباط) به‌ كۆ نه‌وه‌ك به‌ تاكه‌كه‌ی كه‌ بریتی یه‌ له‌ (السبط) كه‌ ئه‌ویش یوسف بوو‌ عليه الصلاة والسلام، پاشان خودا له‌ ئایه‌تێكی تردا بۆی روونكردوونه‌ته‌وه‌ به‌وه‌ی كه‌وا (الأسباط) نه‌ یه‌هودی بوون نه‌ نه‌صارا. خوای گه‌وره‌ فه‌رموویه‌تی: {أَمْ تَقُولُونَ إِنَّ إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالأسْبَاطَ كَانُواْ هُوداً أَوْ نَصَارَى قُلْ أَأَنتُمْ أَعْلَمُ أَمِ اللّهُ} صدق الله العظيم [البقرة:140].
واته‌/ یا ئه‌وه‌ چۆن ده‌ڵێن كه ئیبراهیم و ئیسماعیل و ئیسحاق و یه‌عقوب و (الأسْبَاطَ) یه‌هودین یان گاور؟بڵێ ئایا ئێوه زاناترن یان خوا؟

وه‌ ده‌شزانن به‌وه‌ی كه‌وا به‌نی ئیسرائیل دابه‌ش بوون بۆ سه‌ر دوانزه‌ قه‌بیله‌و هۆز له‌ وه‌چه‌و نه‌وه‌كانی دوانزه‌ كوره‌كه‌ی (یه‌عقوب)، جا پێغه‌مبه‌ری خودا یه‌عقوب له‌وان نه‌بوو؛ به‌ڵكو ئه‌و له‌ پێش ئه‌واندا بوو ئه‌وانیش له‌ وه‌چه‌كانی ئه‌و بوون، وه‌ یه‌عقوبیش له‌ وه‌چه‌ی ئیبراهیمه‌ عليه الصلاة والسلام، یه‌هودو نه‌صاراش له‌ وه‌چه‌ی ئه‌و دوانزه‌ كه‌سه‌ بوون كه‌ نه‌وه‌ی یه‌عقوب بوون كه‌واته‌ یه‌عقوب نه‌ یه‌هودی بوو نه‌ نه‌صرانی، وه‌ به‌هه‌مان شێوه‌ خه‌لیلی خودا ئیبراهیم عليه الصلاة والسلام،، وه‌به‌هه‌مان شێوه‌ش (الأسباط) نه‌وه‌كانی‌ یاسین واته‌ هه‌رسێ برا پێغه‌مبه‌ره‌كه‌ نه‌ یه‌هودی بوون نه‌ نه‌صارا به‌ڵكو ئه‌وان بریتی بوون له‌ نه‌وه‌‌كانی یاسین كه‌ ئه‌ویش باوكی سێ نه‌وه‌ بوو، جا ئه‌وانه‌‌ (یه‌هو دو نه‌صارا) هیچ زانستێكیان نه‌به‌وان هه‌بوو‌ نه‌ به‌ ئیبراهیمیش، به‌ڵكو زانستیان به‌ محمد پێغه‌مبه‌ری خوا هه‌بوو‌ كه‌وا نوسراو بوو له‌لایان له‌ته‌ورات و ئینجیلدا جا ئه‌وان پێغه‌مبه‌ری خوا ده‌ناسن وه‌كو چۆن منداڵه‌كانی خۆیان ده‌ناسن، هه‌ر له‌به‌ر ئه‌وه‌ش خوای گه‌وره‌ فه‌رموویه‌تی:‌ {يَا أَهْلَ الْكِتَابِ لِمَ تُحَاجُّونَ فِي إِبْرَ‌اهِيمَ وَمَا أُنزِلَتِ التَّوْرَ‌اةُ وَالْإِنجِيلُ إِلَّا مِن بَعْدِهِ أَفَلَا تَعْقِلُونَ ﴿٦٥﴾ هَا أَنتُمْ هَـٰؤُلَاءِ حَاجَجْتُمْ فِيمَا لَكُم بِهِ عِلْمٌ فَلِمَ تُحَاجُّونَ فِيمَا لَيْسَ لَكُم بِهِ عِلْمٌ وَاللَّـهُ يَعْلَمُ وَأَنتُمْ لَا تَعْلَمُونَ ﴿٦٦﴾ مَا كَانَ إِبْرَ‌اهِيمُ يَهُودِيًّا وَلَا نَصْرَ‌انِيًّا وَلَـٰكِن كَانَ حَنِيفًا مُّسْلِمًا وَمَا كَانَ مِنَ الْمُشْرِ‌كِينَ ﴿٦٧﴾} صدق الله العظيم [آل عمران].
واته‌/ ئه‌ی خاوه‌ن کتێبه‌کان ئێوه بۆ له ئیبراهیم ده‌دوێن خۆ ته‌ورات و ئینجیل دوای ئه‌و ڕه‌وانه کراون ئه‌وه بۆ عه‌قڵتان ناخه‌نه‌كار (٦٥) ئه‌وه ئێوه‌ن موجاده‌له‌و باس و خواستان له‌سه‌ر ئه‌و شتانه ده‌کرد که زانیاریتان ده‌رباره‌ی هه‌بوو که‌وابوو بۆچی ده‌م له‌و شتانه‌شه‌وه ده‌ده‌ن که هیچ زانیاریتان ده‌رباره‌ی نی یه‌؟ هه‌ر خوا ئه‌و شتانه ده‌زانێت، ئێوه نایزانن (٦٦) ئیبراهیم نه یه‌هودی بووه و نه‌گاور به‌ڵکو ملکه‌چ و فه‌رمانبه‌ردارو موسڵمانێكی پاك و راست و دروست بووه و له‌ موشریک و هاوه‌ڵگه‌رانیش نه‌بووه‌ (٦٧).

وه‌ ئه‌ی گه‌لی زانایانی ئومه‌ت، به‌ ئاگاوه‌رنه‌وه‌‌ بۆ روونكردنه‌وه‌و به‌یانی ئه‌و پیتانه‌ی كه‌وا له‌ سه‌ره‌تای بیست و نۆ سوره‌ته‌كه‌ی قورئانی گه‌وره‌دا هاتوون، جا ئایا گومانتان چۆنه‌ به‌وه‌ی ئه‌م پیتانه‌ ته‌نها چه‌ند وشه‌یه‌ك نه‌بن به‌ڵكو چه‌ند پیتێی جیاكراوه‌و توندو تۆڵ بن؛ به‌ چه‌ند هێمایه‌ك بۆ ئه‌و ناوانه‌ی كه‌وا سوێندیان پێ خوراوه‌ بۆ ئه‌و بیست و هه‌شت پێغه‌مبه‌رو نێرداراوانه‌ له‌گه‌ڵ ئیمام (ن) كه‌بریتی یه‌ له‌ بیست و نۆهه‌می؟‌ ‌به‌ڵام ره‌مزو هێمایه‌كه‌ مه‌رج نی یه‌ یه‌كه‌م پیتی ئه‌و ناوه‌ بێت كه‌وا سوێندی پێخوراوه‌ به‌ڵكو هه‌ر پیتێكی بێت جا گه‌ر پیته‌كه‌ پیتی یه‌كه‌م بێت له‌ناوه‌كه‌ كه‌ سوێندی پێ خوراوه‌ یا له‌دوای پیته‌كه‌ی یه‌كه‌م له‌ پیه‌ته‌كانی تری ناوه‌كه‌ به‌ڵام له‌ ناوی یه‌كه‌م تێپه‌رناكات.

جا سه‌یری ئه‌و پیتانه‌ بكه‌ن كه‌وا له‌سه‌ره‌تای سوره‌تی مه‌ریه‌مدا هاتوون جا ئه‌وانه‌ بریتین له‌ پێغه‌مبه‌ره‌كانی ئالی عیمران به‌ ریزبه‌ندی یه‌كه‌م جا یه‌كه‌میان ‌{ كهيعص (١) } ـه‌:

جا هه‌رچی هێمای ( ك ) ـه‌ ئه‌وا هێمایه‌ بۆ ناوی پێغه‌مبه‌ری خوا زه‌كه‌ریا عليه السلام.
وه‌ هه‌رچی هێمای ( ه ) ـه‌ ئه‌وه‌ هێمایه‌ بۆ ناوی پێغه‌مبه‌ری خوا هارونی برای مه‌ریه‌م عليه السلام.
وه‌ هه‌رچی هێمای ( ي ) ـه ئه‌وا هێمایه‌ بۆ ناوی یه‌حيا عليه الصلاة والسلام.
وه‌ هه‌رچی هێمای ( ع ) ـه‌ ئه‌وا هێمایه‌ بۆ ناوی عـيسا عليه الصلاة والسلام.
وه‌ هه‌رچی هێمای ( ص ) یشه‌ جا ئه‌وه‌ هێمایه‌كه‌ كه‌وا ده‌رهێنراوه‌و وه‌رگیراوه‌ له‌ سیفه‌تناوی ( الصدّيقة ) ـی مه‌ریه‌م‌ عليها السلام، وه‌ هێمایه‌كه‌‌ له‌ ناوه‌كه‌ی وه‌رنه‌گیراوه‌ له‌به‌ر ئه‌وه‌ی ئه‌و پێغه‌مبه‌ر نی یه‌ به‌ڵكو راست و راستگۆ بوو گوفتارو فه‌رمانه‌كانی په‌روه‌ردگاره‌كه‌ی به‌راست دانا. وه‌كو خوای گه‌وره‌ پشتراستی ده‌كاته‌وه‌ له‌وه‌ی ده‌فه‌رموێت: {مَّا الْمَسِيحُ ابْنُ مَرْ‌يَمَ إِلَّا رَ‌سُولٌ قَدْ خَلَتْ مِن قَبْلِهِ الرُّ‌سُلُ وَأُمُّهُ صِدِّيقَةٌ} صدق الله العظيم [المائدة:75].
واته‌/ مه‌سیحی کوڕی مه‌ریه‌م هیچ شتێک نی یه ته‌نها پێغه‌مبه‌رێکی خوا نه‌بێت وه‌كو ئه‌وانه‌ی پێش ئه‌و چه‌نده‌ها پێغه‌مبه‌ری تریش پێش ئه‌و ڕابوردوون دایکیشی ئافره‌تێکی ڕاست و ڕاستگۆیه.‌

وه‌ هه‌رچی هێمای كۆتایی یه‌ له‌ قورئانی گه‌وره‌دا له‌ سوره‌تی القلم كه‌ بریتی یه‌ له‌ (ن) ئه‌وا بریتی یه‌ له‌ (ن) ـی ناصر محمد یه‌مانی گه‌ر بزانن، وه‌ خودا نه‌یكردووم به‌ پێغه‌مبه‌رو نێردراو به‌ڵكو به‌ ئیمامێكی شامل بۆ ئیوه‌و‌ بۆ پێغه‌مبه‌ره‌كانتان مه‌گه‌ر ته‌نها ئه‌وه‌ی كه‌وا كوفری كرد به‌وه‌ی خودا منی گێرابێت‌ به‌ ئیمام و پێشه‌وا بۆ كوری مه‌ریه‌م عليه الصلاة والسلام و وتی: "ناكرێ و ره‌وانی یه‌ بۆت كه‌وا ببی به‌ ئیمام و پێشه‌وا بۆ هیچ نێردراوو پێغه‌مبه‌رێك جا تۆ هیچ نیت ته‌نها پیاوێكی صالح نه‌بیت، ئه‌مه‌ش ئه‌گه‌ر هاتوو كه‌سێكی صالح بیت". جا دواتر ره‌ددی ده‌ده‌مه‌وه‌ به‌و فه‌رمووده‌یه‌ی خودا كه‌وا سوێندی به‌یه‌كه‌م پیت له‌ناوه‌كه‌ی به‌سه‌رخه‌ر بۆ نێردراوه‌كه‌ی (الناصر لنبيّه) خواردووه‌ ئه‌و كه‌سه‌ی كه‌وا دواتر خودا بانگه‌وازه‌كه‌ی به‌سه‌ر هه‌موو خه‌ڵكی جیهاندا ده‌رده‌خات له‌سه‌ر ده‌ستی جا ئه‌وه‌نده‌ وه‌ڵامه‌ی به‌سه‌، خوای گه‌وره فه‌رموویه‌تی: {ن وَالْقَلَمِ وَمَا يَسْطُرُ‌ونَ ﴿١﴾ مَا أَنتَ بِنِعْمَةِ رَ‌بِّكَ بِمَجْنُونٍ ﴿٢﴾ وَإِنَّ لَكَ لَأَجْرً‌ا غَيْرَ‌ مَمْنُونٍ ﴿٣﴾ وَإِنَّكَ لَعَلَىٰ خُلُقٍ عَظِيمٍ ﴿٤﴾ فَسَتُبْصِرُ‌ وَيُبْصِرُ‌ونَ ﴿٥﴾ بِأَييِّكُمُ الْمَفْتُونُ ﴿٦﴾ } صدق الله العظيم [القلم].
واته‌/ سوێند به‌ (ن) كه‌ یه‌كه‌م پیته‌ له‌ناوه‌كه‌ی ئیمام مه‌هدی ناصر محمد یه‌مانی وه‌ سوێند به پێنووس و ئه‌وه‌شی که ده‌ینوسن (١) تۆ به‌هۆی نیعمه‌تی په‌روه‌ردگارته‌وه شێت نیت (٢) بێگومان پاداشتێکی نه‌بڕاوه بۆ تۆ ئاماده‌یه‌ (٣) به‌ڕاستی تۆ له‌سه‌ر ڕه‌وشت و خوویه‌کی زۆر جوان و په‌سه‌ند و بێ وێنه و مه‌زنیت (٤) سه‌رئه‌نجام تۆ ده‌بینیت و ده‌زانیت و ئه‌وانیش ده‌بینن و ده‌زانن (٥) شێتێتی به کامتانه‌وه‌یه‌ (٦).
وه‌ سه‌لامی خوا له‌سه‌ر ئه‌هلی بیرو هۆشمه‌ند و ژیرو بیناكان به‌ به‌ڵگه‌وه‌ ئه‌وانه‌ی كه‌وا گوێ له‌ قسه‌و گوفتار ده‌گرن له‌دوای ئه‌وه‌ به‌دوای چاكترینی ده‌كه‌ون.

وه‌ له‌سه‌رتانه‌ ئه‌وه‌ بزانن ئه‌ی گه‌لی موسڵمانان به‌وه‌ی جیاوازی له‌نێوان ته‌ئویل و لێكدانه‌وه‌ی من و زۆرێك له‌ موفه‌سیره‌كانتان وه‌كو جیاوازی نێوان حه‌ق و باتڵه‌‌، جا به‌ خوا سوێندتان ده‌ده‌م سه‌یری ئه‌م ته‌فسیره‌و ته‌فسیر‌ی ئه‌وانه‌ش بكه‌ن كه‌وا ئایه‌تی (ن والقلم) یان ته‌فسیركردووه‌
قال: حدثني عبدالسلام بن مالك معنعنا: عن ابن عباس رضي الله عنه في قوله [ تعالى.ر ]: (ن): السمكة التي على ظهرها الأرضين وتحت الحوت الثور وتحت الثور الصخرة وتحت الصخرة الثرى وما يعلم تحت الثرى إلا الله [تعالى.ب ] واسم السمكة ليواقن واسم الثور يهموث.
جا به‌خوا سوێندتان ده‌ده‌م ئایا ئه‌م ته‌ئویل و لێكدانه‌وه‌یه‌ عه‌قڵه‌كانتان قبوڵی ده‌كات و دڵتان پێی ئۆقره‌ ده‌گرێت؟ جا ئه‌ی گه‌لی زانایانی ئومه‌ت ئایا تا ئه‌م سنوره‌ ئێوه‌ گومراو ملكه‌چ بوون بۆ نه‌زانی مه‌گه‌ر ئه‌وه‌ی په‌روه‌ردگارم ره‌حمی پێكردبێت جا ئه‌و ریوایه‌تانه‌ وه‌رده‌گرن بێ ئه‌وه‌ی بیریان لێبكه‌نه‌وه‌ به‌عه‌قڵ و نوری بینایی به ‌به‌ڵگه‌وه‌ به‌وه‌ی كه‌ئایا ئه‌مه‌ حه‌ق و راسته‌ یا به‌تاڵ؟ جا ئه‌گه‌ر له‌خوا ترسان و خۆتان پاراست ئه‌وا به‌هه‌ق و راست نه‌بێت ناتانه‌وێت كه‌وا به‌م ریوایه‌تانه‌ له‌سه‌ری قسه‌ بكه‌ن جا دواتریش خودا ده‌سه‌ڵاتێكتان پێده‌دات به‌وه‌ی بتوانن هه‌ق و به‌تاڵ له‌یه‌كتر جیابكه‌نه‌وه‌‌ ئه‌ویش بریتی یه‌ له‌ نوری بینایی پۆڵایین له‌دڵدا جا به‌هه‌ق و به‌تاڵ ده‌زانن، پاشان سه‌یری ناوی ئه‌و ماسیه‌ بكه‌ن (ليواقن) وه‌ ناوی گایه‌كه‌ش‌ (يهموث) له‌كاتێكدا من ئه‌و ناوانه‌ ده‌بینم كه‌وا ناوی شه‌یتانه‌ سه‌ركه‌شه‌ ملهوره‌كان بن، جا ئایا واده‌شده‌زانن ئه‌مه‌ ته‌ئویل و لێكدانه‌وه‌یه‌كه‌ باشتره‌ له‌ ته‌ئویل و لێكدانه‌وه‌كه‌ی مه‌هدی چاوه‌روانكراو؟ جا دواتریش هه‌واڵه‌كه‌ی ده‌زانن له‌دوای ماوه‌یه‌كی كه‌م به‌وه‌ی كێ ژێره‌و ژوور ده‌بێت و تیا ده‌چێت، وه‌ له‌عنه‌تی خواش له‌سه‌ر درۆزنان.

وسلامٌ على المُرسلين، والحمد لله ربّ العالمين..
خۆشه‌ویستی به‌راستدانه‌ره‌ باوه‌رداره‌ ئه‌ولیا صالحه‌كان؛ ئیمام ناصر محمد یه‌مانی.
_____________